ព្រះសីហនុ៖ ទូហ្គេមអេឡេត្រូនិកចំនួន ៤៦គ្រឿងដែលអាជ្ញាធរខេត្តព្រះសីហនុបង្រ្កាបបានកាលពីអំឡុងខែមករា ដល់ខែឧសភា ឆ្នាំ២០២៣ ត្រូវបានយកមកវាយកម្ទេចចោលដោយប្រើគ្រឿងចក្រនាព្រឹកថ្ងៃទី២៦ ខែកក្កដា ឆ្នាំ២០២៣។
អភិបាលក្រុងព្រះសីហនុ លោក សរ កក្កដា បានប្រាប់ឱ្យដឹងថា ទូហ្គេមអេឡេត្រូនិកចំនួន ៤៦គ្រឿងដែលត្រូវបានម្ចាស់ហាងបើកដោយគ្មានច្បាប់អនុញ្ញាតត្រឹមត្រូវនេះចំនួន ១៥ទីតាំងនៅក្នុងក្រុងព្រះសីហនុ។
ការកម្ទេចចោលនូវទូហ្គេមអេឡេត្រូនិកចំនួន ៤៦គ្រឿងនេះ គឺជាលើកទី២ ហើយក្នុងរយៈពេល ៨ខែកន្លងមកនេះ។ លោកបញ្ជាក់ថា អាជ្ញាធរនឹងបន្តបង្រ្កាបទីតាំងដែលបើកល្បែងគ្មានច្បាប់ត្រឹមត្រូវជាបន្តទៀត៕
